ஶ்ரீலங்காவின் எதிர்கட்சித் தலைவர் ரணில் விக்ரமசிங்க, தமிழகத்தின் புதிய முதல்வர் ஜெயலலிதாவை விரைவில் சந்திக்கவுள்ளதாகத் தெரிவிக்கடுகிறது.

இந்தியாவிற்கு, மூன்று நாட்கள் உத்தியோக பூர்வ விஜயம் மேற் கொண்டிருக்கும் ரனில் விக்ககிரமசிங்க, தனது விமானப்பயண வழியில் சென்னை விமான நிலையத்தில் தரித்த போது செய்தியாளர்களைச் சந்தித்தார். அப்போது, தமிழக முதல் அமைச்சர் ஜெயலலிதா, தமக்கு அழைப்பு விடுத்திருந்தமை மகிழ்ச்சிக்குரியது என்றும், அந்த அழைப்பினை ஏற்று, விரைவில் அவரைச் சந்திக்ககவுள்ளதாகவும், தெரிவித்துள்ளார்.

இவ்வாறானதொரு சந்திப்பினை மேற் கொள்ளும் போது, இலங்கை தமிழ்மக்கள் பிரச்சனைகள் குறித்து அவருடன் விரிவாக உரையாட உள்ளதாகவும் குறிப்பிட்டார்.

8000 பொஸ்னிய முஸ்லீம் மக்களை படுகொலை செய்த சேர்பிய படைத்தளபதி கைது செய்யப்பட்டிருப்பது போல், 40,000 தமிழ் மக்களை கொன்று குவித்த இலங்கை ஜனாதிபதி மகிந்த ராஜபக்சவும் விரைவில் கைது செய்யப்பட்டு போர்க்குற்றவாளிக்கூண்டில் நிறுத்தப்படுவார் என நாம் தமிழர் கட்சியின் தலைவர் சீமான் தெரிவித்துள்ளார்.

இது தொடர்பில் அவர் விடுத்துள்ள அறிக்கை :

கம்யூனிச நாடாக இருந்த யுகோஸ்லாவியாவில் இருந்து இன்று தனி நாடாகத் திகழும் பொஸ்னியாவில் 1995ஆம் ஆண்டு ஜூலையில் இந்த இனப்படுகொலை நடந்தது. செர்பிய மேலாதிக்கத்தை ஏற்க மறுத்து போராடிய பொஸ்னிய மக்களை, செர்பிய இனவெறி இராணுவம் மிருகவெறித்தனம் கொண்டு அடக்கி, ஒடுக்கி வந்தபோது, பாதுகாப்பற்ற நிலைக்குத் தள்ளப்பட்ட பொஸ்னிய முஸ்லிம்கள் 40 ஆயிரம் பேர் சிறிபிரீனிசா எனும் இடத்தில் ஐ.நா. அமைத்த பாதுகாப்புப் பகுதியில் தங்கவைக்கப்பட்டனர். அந்த இடத்தை ஐ.நா. அமைதிப்படையைச் சேர்ந்த 400 வீரர்கள் பாதுகாத்து வந்தனர்.

இந்த முகாமைச் சுற்றி வளைத்த செர்பிய படைத்தளபதி ராட்கோ மிலாடிச் தலைமையிலான செர்பிய படைகள், முகாமில் இருந்த பெண்களையும், குழந்தைகளையும் வெளியேற்றிவிட்டு, ஆண்களையும், சிறுவர்களையும், பல நூற்றுக்கணக்கான பெண்களையும் கொன்றொழித்தன. இந்தப் படுகொலை உலக நாடுகளை அதிர்ச்சிக்குள்ளாக்கியது. இரண்டாவது உலகப் போருக்குப்பின் நிகழ்ந்த மிகப்பெரிய இனப்படுகொலை இது வென்று, சிறிபிரனிசா படுகொலை பற்றி விசாரிக்க அமைக்கப்பட்ட தீர்ப்பாயமும், அதன் பிறகு பன்னாட்டு நீதிமன்றமும் கூறின.

1995ஆம் ஆண்டு ஜூலை 13ஆம் திகதியில் இருந்து சிறிபிரீனிசாவில் பொஸ்னிய, ஹெர்சிகோவீனா முஸ்லிம் களை அழிப்பது என்கிற திட்டத்துடன் செர்பிய படைகள் நடத்திய படுகொலை, ஐ.நா.வின் இனப்படுகொலை குற்றமும் தண்டனையும் பிரகடனத்தின் பிரிவு 2, துணைப் பிரிவு (ஏ), (பி) ஆகியவற்றின் படி இனப்படுகொலையே என்று பன்னாட்டு நீதிமன்றம் முடிவு செய்கிறது என்று 2007 ஆம் ஆண்டு பெப்ரவரி மாதம் தீர்ப்பளித்தது.
8,000 பேரைக் கொன்ற செர்பிய தளபதியின் நட வடிக்கையை இனப் படுகொலை என்று உறுதி செய்துள்ள சர்வதேசச்சமூகம், ஒன்றரை இலட்சம் தமிழர்கள் கொல்லப்பட்டதை இன்றுவரை போர்க் குற்றம் என்ற அளவில்தான் பேசி வருகிறது. ஐ.நா.நிபுணர் குழு அறிக்கை கூட, இலங்கை அரச படைகளால் பத்தாயிரக் கணக்கில் தமிழ் மக்கள் கொல்லப்பட்டதை போர்க்குற்றம் என்றுதான் கூறுகிறது.

8,000 பேரை இனப்படுகொலை செய்த ராட்கோ மிலாடிச்சிற்கு ஏற்பட்ட அதே நிலை, இனப் படுகொலையாளர் எவரும் நிரந்தரமாகத் தப்பி விட முடியாது என்பதற்கு அத்தாட்சி என்பது மட்டுமின்றி, இலங்கையில் எம் தமிழினத்தைச் சேர்ந்த ஒன்றரை இலட்சம் பேரை ஈவிறக்கமின்றி படுகொலை செய்த மகிந்த ராஜபக்ஷ கும்பலிற்கும் ஏற்படும். இதே கும்பல் தமிழினப் படுகொலைக் குற்றத்திற்காகக் கைது செய்யப்பட்டு பன்னாட்டு நீதிமன்றத்தில் நிறுத்தப்படும் நாள் வரும். அந்த நாள் வெகு தூரத்தில் இல்லை என்று அந்த அறிக்கையில் தெரிவிக்கப்பட்டுள்ளது.

இலங்கை அணிகளுக்கு இடையில் இடம்பெற்று வரும் முதலாவது டெஸ்ட் போட்டி சமநிலையில் முடிவடைய உள்ளது.

இங்கிலாந்தின் Cardiff மைதானத்தில் இடம்பெற்று வரும் இப்போட்டியின் ஐந்தாவது நாளான இன்று மழை காரணமாக போட்டி இடைநிறுத்தப்பட்டுள்ளது.

இப்போட்டியில் முதலில் துடுப்பெடுத்தாடிய இலங்கை அணி தனது முதல் இன்னிங்ஸிற்காக 400 ரன்களை எடுத்தது. அதிகபட்சமாக பிரசன்ன ஜெயவர்த்தன 112 ரன்களையும், பரனவிதான 66 ரன்களையும் எடுத்தனர்.

பந்துவீச்சில் ஆண்டர்சன் , ஸ்வான் தலா மூன்று விக்கெட்டுக்களை வீழ்த்தினர்.

பதிலுக்கு தனது முதல் இன்னிங்ஸிற்காக களமிறங்கிய இங்கிலாந்து அணி, தற்போதைய ஐந்தாவது நாள் ஆட்டம் வரை தனது ஆட்டத்தை தொடர்ந்து வருகிறது. தற்சமயம் 5 விக்கெட்டுக்கள் இழப்புக்கு 491 ரன்களை அவ் அணி பெற்றுள்ளது.

ட்ரோட் 203 ரன்களையும், அண்டிருவ் கோக் 133 ஓட்டங்களையும் எடுத்துள்ளனர்.  பந்துவீச்சில் லக்மல், டில்ஷான், மஹ்ரூப், மெண்டிஸ், ஹேரத் ஆகியோர் தலா ஒருவிக்கெட்டினை வீழ்த்தியுள்ளனர்.

இரு அணிகளும் தமது முதல் இன்னிங்ஸை மாத்திரமே விளையாடியுள்ள அணியில், இப்போட்டி சமநிலையில் முடிவடையவுள்ளது குறிப்பிடத்தக்கது. இவ்விரு அணிகளுக்கும் இடையிலான அடுத்த போட்டி, ஜூன் 3ம் திகதி லோர்ட்ஸ் மைதானத்தில் தொடங்கவிருக்கிறது.

தமிழ் சினிமாவை மட்டும்மல்ல ஆந்திர சினிமாவையும் புரட்டிப் போட்ட படம் மஹாதீரா. மகாதீரா ஆந்திராவில் கடந்த ஆண்டு துவக்கத்திலேயே வெளியாகி பழைய வசூல் சாதனைகளை எல்லாம் சுக்கு சுக்கலாக அடித்து நொறுக்கியது.
இந்தப்படத்தை முதலில் தமிழில் டப் செய்து வெளியிடும் உரிமையை வாங்கினார் தயாரிப்பாளர் தாணு.

ஆனால் மகாதீரா படத்தின் ஹீரோ ராம்சரன் தேஜாவின் அப்பா, சிரஞ்சீவி காங்கிரஸில் தனது கட்சியை இணைத்தார். இதனால் தமிழ்நாட்டில் திமுக கூட்டணியில் காங்கிரஸ் இருந்ததால், முன்னாள் துணை முதல்வர் ஸ்டாலினின் மகன் உதயநிதி ஸ்டாலினுக்கு மகாதீரா கைமாறி விடப்பட்டது.

தற்போது இந்தப்படத்தை டப்பிங் படம் என்று தெரியாத வகையில் தரமாக டப் செய்து தமிழ்நாடு முழுவதும் உதயநிதி ஸ்டாலின் வெளியிட்டு உள்ளார்.

தமிழ்நாட்டிலும் வசூலை அள்ளும் என்று எதிர்பார்க்கப்பட்ட நிலையில், தற்போது மாவீரன் ரிலீஸ் செய்யப்பட்ட தியேட்டர்களுக்கு கூட்டமே வரவில்லை என்பதுதான் பெரிய ஆச்சர்யம்.

மாகாதீராவைத் தொடர்ந்து சரித்திரக்கதைகள் மீது கோலிவுட்டில் ஆர்வம் ஏற்பட்டதால் பொன்னர் சங்கர், அரவான் ஆகிய படங்கள் ஆரம்பிக்கப்பட்டன. இதில் பொன்னர் சங்கர் சுமாரான வெற்றியையே பெறமுடிந்தது.

இன்னோரு பக்கம் பொன்னியின் செல்வனை படமாக்குவதை நிறுத்தினார் மணிரத்தினம். ஆனால் சியான் விக்ரம் கரிகாலச் சோழனாக நடிக்கும் படத்தை சரித்திரக்கதையாகதான் எடுக்க இருகிறாராம் அதன் இயக்குனர் கண்ணன்.  இப்போது மாஹாதீராவின் கதையைப் பார்த்து கரிகாலன் படத்தை டிராப் செய்யலாமாக என்று டிஸ்கஸ் செய்து வருகிறார்களாம்.
 

தமிழக சுற்றுச்சூழல் அமைச்சராகப் பொறுப்பேற்றிருந்த மரியம் பிச்சை மரணத்துக்குக் காரணமான லாரி பிடிபட்டது.


தமிழக சுற்றுச்சூழல் அமைச்சராக இருந்த மரியம் பிச்சை, கடந்த மே 23ம் தேதி, திருச்சியில் இருந்து சென்னைக்கு காரில் வந்துகொண்டிருந்த போது, பெரம்பலூர்- பாடாலூர் அருகில் கண்டெய்னர் லாரி மோதி விபத்து ஏற்பட்டது. இதில் அவர் இறந்தார்.

இந்த விபத்து குறித்து தீவிர விசாரணை மேற்கொண்ட போலீஸார், மோதிவிட்டு நிற்காமல் சென்றுவிட்ட கண்டெய்னர் லாரி குறித்து சேலம் மாவட்ட லாரி உரிமையாளர்கள் உள்பட பலரிடம் தீவிரமாக விசாரணை மேற்கொண்டனர்.

இந்நிலையில், இன்று மேற்குவங்க மாநிலத்தில் அந்த கண்டெய்னர் லாரியைக் கண்டுபிடித்த சிபிசிஐடி போலீஸார், விசாரணைக்காக அந்த லாரியை சென்னைக்குக் கொண்டு வருகின்றனர். இந்தத் தகவலை சிபிசிஐடி போலீஸார் தெரிவித்தனர்.

காவிரி கரை ஓரத்தில் இருக்கும் ஸ்தலம்..பிரம்மா,விஸ்ணு,சிவன் மூவரும் இருக்கும் ஸ்தலம்..அகத்தியர் ,சிவபெருமான் பார்வதி திருமணத்தை தரிசனம் செய்த ஸ்தலம் என்பார்கள்..பிரம்மாவுக்கு சிறப்பான சன்னதி அமையப்பெற்ற ஒரே ஸ்தலம்..அதனால்தான் திங்கள் கிழமை தோறும் 5000 கர்நாடகா பக்தர்கள் பிரம்மாவை வணங்கி செல்கின்றனர்...கர்ம வினை தீர்க்கும் ஸ்தலம்..சனி பகவான் சிவனை பார்த்தபடி அமர்ந்துள்ளார்..சிவன் சுடுகாட்டை பார்த்தபடி அமர்ந்துள்ளார்..காசிக்கு அடுத்து சுடுகாட்டை பார்த்தபடி இருக்கும் ஒரே ஸ்தலம்...

காவிரி இடமிருந்து வலமாக தன் போக்கை மாற்றிக்கொள்ளும் இடம்..சனி தன் வாகனத்தில் அமர்ந்த கோலம்...அதாவது காக்கை மேல் அமர்ந்திருப்பார்..காக்கை மீது அமர்ந்திருக்கும் சனிபகவான் வேறு எங்கும் இல்லை...சனி வாகனத்தில் அமர்ந்திருப்பதால்,சனிக்குண்டான தொழில் வாகனம் என்பதால் வாகன தொழில் செய்பவர்கள் இங்கு வந்து வழிபட சிறப்பு உண்டாகும்..அடிக்கடி விபத்தை சந்திப்பவர்களும் இங்கு வந்து வழிபட்டால் தோசம் நீங்கும்...கோயில் மிக பெரிதாக இருக்கிறது...பெருமாள் .,ஸ்ரீரெங்கம் பெருமாள் கோலத்தில் அருள் பாலிக்கிறார்..
.
ஒவ்வொரு தனி சன்னதியும் பெரிய அளவில் தாரளமாக இருக்கும்..தினசரி சுற்றுலா பயணிகள் வருகை இருந்துகொண்டே இருக்கும்...சிவன் சிறிய மலை முகடு போல தோன்றுகிறார்...காரணம் இமயமலையிலிருந்து சிதறிய ஒரு துண்டு தான் இத்தலத்து இறைவன் என்கிறார்கள்....

கடந்த 3 மாத காலமாக ஜெயிலில் இருக்கும் மாஜி மத்திய அமைச்சர் ராஜா முதலில் சக கைதிகள் யாருடனும் சரியாக பேசாமல் இருந்து வந்தார். ஆனால் போக, போக சகஜமாக பழகிவிட்டார், காலை எழுந்தவுடன் வாக்கிங், மாலையில் பேட்மின்டன் என தமது ஜெயில் வாழக்கையை கடந்து வருகிறார். மற்ற கைதிகளை விட அது வேணும், இது வேணும் என அடம் பிடிக்கவில்லை என்றாலும் தனக்கு தமிழ் நாளிதழ் மட்டும் கண்டிப்பாக வாங்கித்தர வேண்டும் என கேட்டுக்கொண்டாராம். இதனை ஏற்று இவருக்கு ஜெயில் அதிகாரிகள் வாங்கி கொடுத்துள்ளனர். இவரது நடவடிக்கை முழு திருப்தி அளிப்பதாகவும் பெயர் சொல்ல விரும்பாத ஒரு ஜெயில் அதிகாரி கூறியுள்ளார்.

ஸ்பெக்ட்ரம் ஊழல் தொடர்பாக தி.மு.க.,வின் மத்திய அமைச்சராக இருந்த ராஜா கடந்த பிப்ரவரி மாதம் 17 ம் தேதி திகார் ஜெயிலுக்கு அனுப்பி வைக்கப்பட்டார். இவருடன் 12 பேர் தற்போது ஜெயிலில் உள்ளனர். இதில் ராஜா 9 வார்டு சிறையில் 1 ம் நம்பர் அறையில் அடைக்கப்பட்டுள்ளார். இவரது அன்றாட ஜெயில் வாழ்க்கை விவரத்தை ஒரு அதிகாரி கூறியுள்ளார். ராஜா நாள்தோறும் எவ்வாறு கழிக்கிறார் என்ற முழு விவரம் வருமாறு:

ராஜாவுடன் மாஜி போலீஸ் அதிகாரிகள் : இவருக்கு 15 க்கு 10 அளவு கொண்ட தனி அறை ஒதுக்கப்பட்டுள்ளது. காலை 5 மணி முதல் 6 மணி வரை ஜெயில் வளாகத்தின் அனுமதிக்கப்பட்ட பகுதியில் வாக்கிங் செல்கிறார். பின்னர் நேராக ஜெயிலுக்கு வந்து நாளிதழ்கள் படிக்கிறார். மாலையில் சக நண்பர்களுடன் ஒரு மணி நேரம் பாட்மின்டன் ஆடுகிறார். இரவில் சரியான நேரத்தில் தூங்கி விடுவார்.

இவரது வார்டுக்கு உட்பட்ட சிறையில் பத்திரிகையாளர் சிவானி பத்கர் என்பவரை கொலை செய்த குற்றத்திற்காக தண்டனை பெற்ற ஆர். கே., சர்மா, மற்றும் கன்னாட் துப்பாக்கிச்சூடு தொடர்பான குற்றத்தில் குற்றவாளியாக நிரூபிக்கப்பட்ட உதவி கமிஷனர் எஸ். எஸ்., ரதி முக்கியஸ்தர்கள். ஏனைய 12 பேர் ஆயுள் உள்பட உயர்ந்த பட்ச தண்டனை பெற்றவர்கள் என்பது குறிப்பிடத்தக்கது.

சக கைதிகளுக்கும் உணவு வழங்கும் ராஜா :முதலில் ராஜா ஜெயில் கைதிகளுடன் சகஜமாக பழகாமல் உம்மெனவே இருந்தார். ஆனால் போக, போக தனது விறைப்புத்தன்மையை குறைத்து சிரித்து பேசலானார். ராஜாவுக்கு வீட்டு பதார்த்தம் வழங்க கோர்ட் அனுமதி தந்திருப்பதால் வீட்டில் சுடச்சுட தயாரான பதார்த்தங்கள் அனுப்பி வைக்கப்படுகிறது. இட்லி, சாம்பார், வடை, பொங்கல், மதியம் சாம்பார், ரசம், தயிர் என வரும். முதலில் சிரிய டிபன்பாக்சில் வந்தது தொடர்ந்து அதன் அளவு உயர்த்தப்பட்டது. இவைகளை தங்களுடைய சக கைதிகளுக்கும் கொடுத்து சாப்பிட சொல்கிறார். ஜெயில் சாப்பாட்டை சில நாட்களாக சாப்பிட்டும் கொள்கிறார். மேலும் இங்குள் கேண்டீனில் ஸ்னாக்ஸ் அயிட்டங்கள் வாங்கி கொள்ள அனுமதி உண்டு. ஜெயிலில் இருக்கும் ராஜா எவ்வித தொந்தரவும் தருவதில்லை, மற்ற கைதிகளுடன் ஒப்பிடுகையில் அவர் மிக சிறந்தவராக உள்ளார். தமிழ் பத்திரிகை எனக்கு அவசியம் வாங்கித்தர வேண்டும் என கேட்டார். அதற்கு மட்டும் கூடுதலாக ஏற்பாடு செய்யப்பட்டுள்ளது என்றார் ஒரு ஜெயில் அதிகாரி.

கனிமொழிக்கு ஜாமின் உத்தரவு நிறுத்திவைப்பு ? : தி.மு.க., தலைவரும், முன்னாள் முதல்வருமான கருணாநிதியின் மகளுமான கனிமொழியின் ஜாமின் மனு மீதான விசாரணை இன்று டில்லி ஐகோர்ட்டில் வந்தது. வழக்கை விசாரித்த நீதிபதி ஜாமின் மனு மீதான உத்தரவை விரைவில் அறிவிப்பதாக கூறி தள்ளி வைத்தார். சினியுக் இயக்குநர் மொரானியின் ஜாமின் மனு தள்ளுபடி செய்யப்பட்டது.