சென்னை, ஜூன், 18 - சமூக சேவகர் டிராபிக் ராமசாமிக்கு ஐகோர்ட் ரூ.10 ஆயிரம் விதித்தது. இது குறித்த விபரம் வருமாறு:- சமூக சேவகர் டிராபிக் ராமசாமி சென்னை ஐகோர்ட்டில் ஒரு பொது நல வழக்கு தொடர்ந்தார். அதில், ஊழல் ஒழிப்புக்கான லோக்பால் சட்ட மசோதா வரவு கமிட்டியில் தென் மாநிலத்திற்கு பிரதி நிதித்துவம் வழங்க வேண்டும் என்று நான் மத்திய அரசுக்கு மனு கொடுத்திருந்தேன். அம்மனு மீது உரிய நடவடிக்கை எடுக்க ஐகோர்ட்டு உத்தரவிட வேண்டும் என்று குறிப்பிட்டிருந்தார்.

இது குறித்து அவர்கள் கூறியதாவது:-

இதை தலைமை நீதிபதி எம்.ஒய்.இக்பால், nullநீதிபதி சிவஞானம் ஆகியோர் விசாரித்து மனுவை தள்ளுபடி செய்தனர்.   பின்னர் அவர்கள் கூறும் போது, டிராபிக் ராமசாமி மத்திய அரசுக்கு மனு கொடுத்துள்ளதாக தெரிவித்துள்ளார். ஆனால் இம்மனுவை அவரது தனிச் செயலாளர் தான் கொடுத்துள்ளார். எனவே டிராபிக் ராமசாமி கோர்ட்டுக்கு தவறான தகவல் கொடுத்துள்ளார்.

பொது நல வழக்கு என்ற பெயரில் இது போன்ற வழக்கை தாக்கல் செய்து கோர்ட்டு நேரத்தை வீணடித்துள்ளார். டிராபிக் ராமசாமியின் வயது கருதி அவருக்கு இந்த கோர்ட்டு ரூ.10 ஆயிரம் அபராதம் விதிக்கிறது. அவர் இதை 3 வாரத்தில் தமிழ்நாடு சட்டப் பணிகள் ஆணையக் குழுவிடம் செலுத்த வேண்டும் என்று நீதிபதிகள் உத்தரவிட்டனர்.

இதே போல லோக்பால் சட்ட மசோதா வரைவு கமிட்டியில் பெண்கள் மற்றும் எஸ்.சி., எஸ்.டி. பிரிவினருக்கு பிரதிநிதித்துவம் வழங்க கோரி வழக்கில் பழனிமுத்து தாக்கல் செய்த மனுவை nullநீதிபதிகள் தள்ளுபடி செய்தனர். இம்மனு விசாரணைக்கு உகந்ததல்ல என்றும் அவர்கள் கூறியுள்ளனர்.

மதுரை,ஜூன்.18 - 2 ஜி ஸ்பெக்ட்ரம் ஊழலில் காங்கிரஸ் தலைவர் சோனியாகாந்திக்கு தொடர்பு உள்ளது என்று ஜனதா கட்சி தலைவர் சுப்பிரமணியசுவாமி மதுரையில் தெரிவித்துள்ளார்.

மதுரை கல்லூரியில் நேற்று காலை நடந்த புத்தக வெளியீட்டு விழாவில் கலந்து கொண்ட ஜனதா கட்சி தலைவர் சுப்பிரமணியசுவாமி புத்தகத்தை வெளியிட்டு பேசினார்.

பின்னர் அவர் நிருபர்களிடம் கூறியதாவது, 2 ஜி ஸ்பெக்ட்ரம் ஊழலில் காங்கிரஸ் தலைவர் சோனியாகாந்திக்கும், மத்திய உள்துறை அமைச்சர் ப.சிதம்பரத்திற்கும் நிறைய தொடர்பு உள்ளது.

வெளிநாடுகளுக்கு சோனியா 12 முறை ரகசியமாக சென்றுவந்துள்ளார். இது சந்தேகத்தை ஏற்படுத்துகிறது. 2 ஜி ஸ்பெக்ட்ரம் வழக்கில் சோனியாகாந்தியும் விரைவில் கைது செய்யப்படுவார்.

2 ஜி ஸ்பெக்ட்ரம் ஊழலில் ப.சிதம்பரம் கைகாட்டிய நிறுவனங்களுக்கு அலை வரிசை ஒதுக்கீடு செய்யப்பட்டுள்ளது. அவரும் இந்த வழக்கில் சேர்க்கப்படலாம். முல்லை பெரியாறு அணை நீர்மட்டத்தை 152 அடியாக உயர்த்த தமிழக அரசு நடவடிக்கை எடுக்க வேண்டும் என்றார்.

நெல்லை ஜூன்-18 - நெல்லை மாவட்டம் மகேந்திரகிரியில் உள்ள கிரையொஜனிக் என்ஜின் சோதனை மையம் அடுத்த 2 மாதங்களில் செயல்படத்துவங்கும் என்று இஸ்ரோ தலைவர் ராதாகிருஷ்ணன் தகவல்தெரிவித்துள்ளார்.

நெல்லை மாவட்டம் மகேந்திரகிரியில் உள்ள இந்திய விண்வெளி ஆராய்ச்சி கழகத்தின் திரவ இயக்கமையத்தில் ராக்கெட் தொழில் நுட்பத்தின்விரிவாக்கம் குறித்த இரண்டு நாள் தேசிய கருத்தரங்கம் நேற்று காலை துவங்கியது.

இக்கருத்தரங்கிற்கு திரவ இயக்க அமைப்பு மையத்தின் இயக்குனர் ராமகிருஷ்ணன்  தலைமை வகித்தார்.  திருவனந்தபுரம் இந்திய ஏரோநாட்டிக்கல் சங்கத்தலைவர் ரவீந்திரநாத் வரவேற்றார். இஸ்ரோ தலைவர் ராதாகிருஷ்ணன் குத்துவிளக்கேற்றி கருத்தரங்கை துவக்கி வைத்தார்.  திருவனந்தபுரம் விக்ரம் சாராபாய் விண்வெளி மைய இயக்குனர் வீரராகவன் கருத்தரங்கு மலரை வெளியிட்டார்.

ஸ்ரீஹரிகோட்டா விண்வெளி ஆய்வு மைய இயக்குனர் கேப்டன், திரவ இயக்க அமைப்பு மைய முன்னாள் இயக்குனர் முத்துநாயகம், இந்திய ஏரோநாட்டிக்கல் சங்க கவுரவ செயலாளர் அசோக்பூஷன், திரவ இயக்க அமைப்பு மைய இணை இயக்குனர் கணேசன், உள்பட பலர் கலந்துகொண்டு பேசினர்.

கருத்தரங்கிற்கு பின்னர் இஸ்ரோ தலைவர் ராதாகிருஷ்ணன் செய்தியாளர்களிடம் தெரிவித்ததாவது: இந்த ஆண்டு ஜூலை இரண்டாவது வாரம் தகவல் தொடர்புக்கான செயற்கை கோளும், செப்டம்பரில் மெகா டிராபிக் செயற்கை கோளும், டிசம்பர் மாதம் மேகக்கூட்டங்களை துல்லியமாக படம் பிடிக்கும் ஆர்.1 சாட்.1 செயற்கை கோளும் ஏவப்படுகிறது. மேலும் மகேந்திரகிரியில் ஜி.எஸ்.எல்.வி. மார்க் 3க்கு தேவையான சி-25, மற்றும் கிரையொஜனிக் என்ஜின் சோதனை மையமும் அடுத்த 2 மாதங்களில் செயல்படத்துவங்கும் என்று அவர் தெரிவித்தார்.

இந்தியாவின் நம்பர் 1 பேட்மிண்டன் வீராங்கணை சாய்னா நேவால், சிங்கப்பூர் சூப்பர் சீரிஸ் பேட்மிண்டன் போட்டியில் இரண்டாம் சுற்றிலேயே அதிர்ச்சி தோல்வி அடைந்து வெளியேறியுள்ளார்.

இவர் இப்போட்டித்தொடரில் நடப்பு சாம்பியனாக இருந்த போதும், நேற்றைய போட்டியில் சீனா தாய்பேயின் ஷாவோ சியா ஷெங்கிடம் வீழ்ச்சி கண்டார்.

முதல் செட்டை எளிதாக சாய்னா கைப்பற்றிய போதும், அடுத்த இரு செகளிலும் ஷாவோ வெற்றி பெற்றார். இறுதியில் 8-21, 21-10, 21-19 என்ற செட் கணக்கில் ஷோ வென்றார்.

இலங்கையின் போர்க்குற்ற மற்றும் மனித உரிமைகள் மீறல் வீடியோ தொகுப்பை இலங்கையில் கொலைக்களமென்ற

பெயருடன் தொகுப்பாக வெளியிட்டது சானல் 4 தொலைக்காட்சி.

இந்நிலையில் அவ்வீடியோக் காட்சிகளைக் கண்டு மிக அதிர்ச்சி அடைந்ததாக தெரிவித்துள்ளார் பிரித்தானிய வெளியுறவுத்துறை அமைச்சர்.இந்நிலையில் அவ்வீடியோக் காட்சிகளைக் கண்டு மிக அதிர்ச்சி அடைந்ததாக தெரிவித்துள்ளார் பிரித்தானிய வெளியுறவுத்துறை அமைச்சர்.

கொடூர காட்சிகள் கொண்ட வீடியோவை தான் பார்வையிட்ட பிறகு தான் அதிர்ச்சி அடைந்ததாகவும் போர்க்குற்ற விசாரணையை இலங்கை அரசு நடந்த வேண்டுமெனவும் அவ்வமைச்சர் மேலும் தெரிவித்துள்ளமை குறிப்பிடத்தக்கது.

இதேவேளை இலங்கை அரசு இது குறித்த விசாரணைகளை நடத்த வேண்டும் என்று பிரிட்டிஷ் பிரதமர் கோரியுள்ளதாகவும், பிரிட்டிஷ் நாடாளுமன்றத்தில் கேள்வி நேரத்தின் போது உரையாற்றிய டேவிட் கேமரன் இந்தக் கோரிக்கையை வைத்துள்ளதாகவும் பிபிசி தெரிவித்துள்ளது.

எதிர்வரும் 20ம் திகதி கனிமொழி மீதான ஜாமீன் மனு விசாரணை சுப்ரீம் நீதிமன்றிற்கு வரவுள்ள நிலையில், இவ்வழக்கு விசாரணையை மேற்கொள்ளும் பொறுப்பிலிருந்து நீதிபதிகள் சதாசிவம், ஏ.கே.பட்நாயக் ஆகியோர் விலகிக்கொள்வதாக அறிவித்துள்ளனர்.

இவ்விருவரும், தம்மை விலக அனுமதிக்குமாறு தலைமை நீதிபதி எஸ்.எச்.பாடியாவிடமும், கோரிக்கை விடுத்துள்ளனர். இவ்விலகலுக்கான காரணம் உடனடியாக தெரியவராத போதும், ஏதாவது நிர்ப்பந்தங்கள் கொடுக்கப்பட்டு அதனை ஏற்றுக்கொள்ள முடியாமலோ அல்லது பிணை மனு மீது தீர்ப்பளிப்பதில் மற்ற நீதிகளுடன் ஏற்பட்ட கருத்து வேறுபாடு காரணமாகவோ இந்த விலகல் நடந்திருக்கலாம் என சந்தேகம் வெளியிடப்பட்டுள்ளது. இதையடுத்து நீதிபதிகள் ஜி.எஸ்.சிங்வி, பி.எஸ்.சவுகான் ஆகியோர் அடங்கிய பெஞ்ச் சிறப்பு அமர்வாக அடுத்தகட்ட ஜாமின் விசாரணையை மேற்கொள்ளவுள்ளனர்.

இதேவேளை 2ஜி ஸ்பெக்ரம் வழக்கில் சிக்கியிருக்கும் கனிமொழி எம்.பி மற்றும் கலைஞர் டிவி இயக்குனர் சரத்குமார் இருவருக்கும் எக்காரணம் கொண்டும் ஜாமின் கொடுக்க கூடாது என சி.பி.ஐ தொடர்ந்து அழுத்தமாக வலியுறுத்தி வருகிறது.

2ஜி ஸ்பெக்ரம் ஒதுக்கீடு தொடர்பாக, கலைனஞர் டிவிக்கு வழங்கப்பட்ட 214 கோடி ரூபாய் லஞ்ச பணம் தான். இது கடனாக பெறப்பட்டது அல்ல. கனிமொழியும், சரத்குமாரும் இதில் முக்கிய சதியாளர்கள். 2ஜி ஊழல் வழக்கு விசாரணை இறுதிக்கட்டத்தை எட்டியுள்ள நிலையில், சுப்ரீம் நீதிமன்றம் இவர்களுக்கு ஜாமீன் வழங்க கூடாது. இவர்களை விடுவித்தாக் சாட்சிகளை கலைத்துவிடுவதுடன், ஆதாரங்களையும் அழித்து விடுவர் என நேற்று உச்ச நீதிமன்றில் சிபிஐ பதில் மனு தாக்கல் செய்துள்ளது குறிப்பிடத்தக்கது.

அடச்சே! இப்படியொரு கதைக்களம் இருகிறது நம்ம புத்திக்கு எப்படி எட்டாமப்போச்சு என்று முன்னனி இயக்குனர்கள் பொறாமைபடும் அளவுக்கு யாரும் கைவைக்காத கதை களத்தை ஒவ்வோருமுறையும் கையிலெடுப்பார் பாலா.

பொதுவாக தனது படங்களை உருவாக்கி முடிக்க குறைந்தது இரண்டு வருடங்கள் எடுத்துக் கொள்ளும் பாலா, முதன் முறையாக ஒரே ஆண்டில் எடுத்து முடித்து இருக்கும் அவன் இவன் இன்று உலகம் முழுவதும் ரிலீஸ் ஆகிறது.

முதன் முறையாக காமெடியை அடிப்படையாகக் கொண்ட கதையில் கடைசி இருபது நிமிடங்கள் தனது முத்திரையைப் பதித்து இருக்கும் பாலா, இந்தப்படத்தில் ஆர்யாவை சாகடித்து இருக்கிறாராம். இப்படத்தில் வால்டர் வணங்காமுடி என்ற காதாப்பாத்திரத்தில் நடித்திருக்கும் விஷாலுக்கு தேசிய விருது உறுதி என்று பாலாவே சொல்லியிருப்பது படம் குறித்த எதிர்பார்ப்புகளை மேலும் அதிகரித்து இருகிறது.

இது வரை உலகின் எந்த மொழிப் படத்திலும் மாறுகண் உடையவராக எந்த ஹீரோவும் நடித்தது இல்லை. இதை ஊடகங்கள் வாயிலாக அறிந்துகொண்ட கின்னஸ் நிறுவத்தின் தமிழகப்பிரநிதி, விஷாலை தொடர்புகொண்டு முறையாக விண்ணபிக்குமாறு கேட்டுக்கொண்டதை அடுத்து, ‘ வேர்ல்டு ஃபர்ஸ்ட் ஆர்டிஃபீஸியல் ஸ்பிளிண்ட் ஆக்டிங் இன் லீட் ரோல்’ என்ற தலைப்பின் கீழ் விஷால் விண்ணபித்து இருகிறாராம்.

கின்னஸ் வேல்ட் ஆஃப் ரெக்கார்ட்ஸ் இந்த ஆண்டு இறுதிக்குள் விஷால் விண்ணப்பத்தை பரிசீலித்து சான்றிதழ் வழங்கும் என்கிறார்கள் இயக்குனர் பாலா அலுவலகத்தில்.

சமச்சீர் கல்வி குறித்து ஆராய்வதற்கு நிபுணர் குழு ஒன்றை அமைக்குமாறு, உயர் நீதிமன்றம் உத்தரவிட்டதற்கு இணங்க தமிழக அரசின் தலைமைச் செயலாளர் தலைமையில் குழு ஒன்றை நியமித்து அறிக்கை தாக்கல் செய்ய முதல்வர் ஜெயலலிதா உத்தரவிட்டுள்ளார்.

இது குறித்து முதல்வர் ஜெயலலிதா வெளியிட்டுள்ள அறிக்கையில் கூறியிருப்பதாவது:

தமிழகத்தில கல்வி பயிலும் மாணவ, மாணவியர்களுக்கு சிறந்த எதிர்காலம் அமைய தரமான மற்றும் சமமான கல்வி வழங்கப்பட வேண்டும் நோக்கில் 2010ம் ஆண்டு தமிழ்நாடு சமச்சீர் பள்ளிக் கல்வி முறைச் சட்டத்திற்கு

எனது அரசால் திருத்தம் கொண்டுவரப்பட்டது.

இந்த சட்டத்திருத்தினை எதிர்த்து ஒரு சிலர் சென்னை உயர்நீதிமன்றத்தில் வழக்கு தொடுத்தனர். இந்த வழக்கினை விசாரித்த நீதிமன்றம் இந்த சட்டத்திற்கு இடைக்காலத் தடை  விதித்தது. இந்த உத்தரவினை எதிர்த்து உச்ச நீதிமன்றத்தில் தமிழக அரசு சார்பில் சிறப்பு மனுத்தாக்கல் செய்யப்பட்டது.

இந்த மனுவை கடந்த 15ம் தேதி விசாரித்த நீதிமன்றம், பாடத்திட்டத்தின் தரம் மற்றும் பாடநூல்களின் தரம் ஆகியன குறித்து ஆராய்வதற்கு ஒரு குழு அமைக்கப்பட வேண்டும் என்றும், அந்த குழு ஜூலை 6ம் தேதிக்குள்

தனது அறிக்கையை சென்னை உயர்நீதிமன்றத்தில் தாக்கல் செய்ய வேண்டும் என்றும் உத்தரவிட்டிருந்தது.

உச்ச நீதிமன்ற உத்தரவிற்கிணங்க, கீழ்காணும் உறுப்பினர்களைக் கொண்ட குழுவை தமிழக அரசு அமைத்துள்ளது:

* தலைவர் - தமிழக அரசின் தலைமைச் செயலாளர்

* உறுப்பினர் -  இரு மாநில பிரதிநிதிகள்:

(1) ஜி.பாலகிருஷ்ணன், முன்னாள் இயக்குநர் (கல்வி), மத்திய இடைநிலைக் கல்வி வாரியம்

(2) திருமதி. விஜயலட்சுமி சீனிவாசன், முன்னாள் முதல்வர், லேடி ஆண்டாள் மெட்ரிகுலேசன் பள்ளி, சென்னை.

* உறுப்பினர் -  இரு கல்வியாளர்கள்:

(1) சி.ஜெயதேவ்,  நிறுவனர் மற்றும் செயலாளர், டி.ஏ.வி.பள்ளிகள் குழுமம், கோபாலபுரம், சென்னை.

(2). டாக்டர் திருமதி. ஒயி.ஜி.பார்த்தசாரதி, முதல்வர் மற்றும் இயக்குநர், பத்மா சேஷாத்ரி பாலபவன் பள்ளிகள் குழுமம், சென்னை.

* உறுப்பினர் -  தேசிய கல்வி ஆராய்ச்சி மற்றும் பயிற்சி நிறுவனத்தின் இருபிரதிநிதிகள்

(1) பேராசிரியர் பி.கே. திரிபாதி, அறிவியல் மற்றும் கணிதவியல் கல்வித்துறை, புதுதில்லி.

(2). பேராசிரியர் அனில் சேத்தி, சமூக அறிவியல் துறை,  புதுதில்லி.

* உறுப்பினர் - அரசுச் செயலாளர், பள்ளிக் கல்வித்துறை

* உறுப்பினர் செயலாளர்- பள்ளிக்கல்வித் துறை இயக்குநர்.

மேற்கண்ட குழு உச்ச நீதிமன்ற உத்தரவின்படி வரும்  ஜூலை மாதம் 6ம் தேதிக்குள் தனது அறிக்கையை சென்னை உயர்நீதிமன்றத்திற்கு அளிக்கும்